இளம் தென்றல் காற்றும்...

இளம் தென்றல் காற்றும்
அலை பொங்கும் கடலும்
என்றும் நிலை பெற வேண்டும்
அணு ஆயுதம் இல்லா உலகும்
இன பேதங்கள் இல்லா வாழ்வும்
நாளைய உலகின் தேவை
அதுவே நமது பாதை
(இளம் தென்றல் ....)
மண்ணைப்  பிடித்திட கலிங்க யுத்தம்
பெண்ணைப் மீட்டிட இலங்கை யுத்தம்
எண்ணெய் கிணற்றிக்கு வளைகுடா யுத்தம்
மதத்தின் பெயரால் பலப் பல யுத்தம்
யுத்தம் யுத்தம் யுத்தம் யுத்தம்
மனித சரித்திரம் முழுவதும் யுத்தம் யுத்தம்
(இளம் தென்றல் ....)
காலங்கள் மாறின
காட்சிகள் மாறின
ஆயுதம் மாறின
ஆட்சிகள் மாறின
காயங்கள் மட்டும் மாறவில்லை
எல்லாப் போரிலும் எல்லா நாளிலும்
எல்லாப் போரிலும் எல்லா நாளிலும் 
சிந்தியதெல்லாம் மனித ரத்தம் 
இழந்ததெல்லாம் உழைக்கும் வர்க்கம்

(இளம் தென்றல் ....)
யுத்தம் வேண்டாம் யுத்தம் வேண்டாம்
இனி ஒரு யுத்தம் வேண்டவே வேண்டாம்
ரத்தம் குடித்திடும் யுத்தம் வேண்டாம்
மனித குலம் ஒழித்திடும் யுத்தம் வேண்டாம்
யுத்தம் செய்வோம் யுத்தம் செய்வோம்
யுத்தம் ஒழித்திட யுத்தம் செய்வோம்
அணு ஆயுதம் ஒழித்திட யுத்தம் செய்வோம்
மனித நேயம் காத்திட யுத்தம் செய்வோம்
 (இளம் தென்றல் ....)

விரல் தொடும்
தூரத்தில்
நீ
இருந்தாலும்
தொட முடியா
தூரத்தில்
மனம்...

அந்த தெரு நெருங்கியவுடன்
காரின் ஜன்னல்களை
தன்னிச்சையாக கை மூடும்

நடைபாதை எங்கும்
மனித நரகல்கள்
கழிப்பிடமில்லாத
அடி மட்ட நகர‌ வாழ்க்கையின்
அடையாளமாய்..

நேற்று வந்தபோது
எல்லாம் சுத்தம்
செய்யப்பட்டு
பந்தலில்
அலங்காரமாய்
வினாயகர்
வீற்றீருந்தார்..

இப்படியே
எப்போதும்
இருந்தால்....
என் எண்ண ஓட்டத்தை
நிறுத்தி என் மகன்
கேட்டான்
'இன்னிக்கு இவங்க எல்லாம்
எங்க ___ போவாங்க'

அமைக்கப்படும்...
நிறுவப்படும்...
உயர்த்தப்படும்...
விரிவாக்கப்படும்...
எனும்
எல்லா
அறிவிப்புகளிலும்
மறைக்கப்படும்
அழிக்கப்படும் (காடுகள்)
வெட்டப்படும் (மரங்கள் )
விரட்டப்படும் (மக்கள்)
புள்ளிவிபரங்கள்...

காத்திருக்கிறேன்

எதற்க்கும் அதிக நேரம் காத்திருந்ததாக
அவ்வளவாக ஞாபகம் இல்லை
***
இறுதியாண்டு புகுமுன்னே
வளாகம் தேடி வந்தது வேலை
வாசலில் காத்திருந்து
அழைத்து செல்ல
அலுவலக ஊர்தி
***
வீடு தேடி வந்தது
வங்கிக் கடன்
பதிவு செல்ல
சார் பதிவாளர் அலுவலகம்
போகையிலும்
காத்திராமல்
இடைத்தரகர் உபயத்தில்
துரித சேவை
***
வலைப்பின்னலில்
பயணப்பதிவு
கணிப்பொறியில்
கருத்துப்பதிவு
***
எதற்க்கும் அதிக நேரம் காத்திருந்ததாக
அவ்வளவாக ஞாபகம் இல்லை
***
இப்போது
வீழ்ந்த
பொருளாதாரம் மீள்வதற்க்கும்
இழந்த
வேலை கிடைப்பதற்க்கும்
நீண்ட நாட்களாய்
காத்திருக்கிறேன்...

அமங்கலம்

தங்கைக்கு கல்யாணம்
எல்லா பொறுப்பும்
இளம் கைம்பெண் அக்காவிற்கே
"காய்கறி வாங்க பணம் வேண்டும்"
"காசி யாத்திரை குடை காணும்"
என எல்லாவற்றிக்கும்
கூப்பிடு மங்களத்தை
என்று கூவி அழைத்தவர்கள்
ஏனோ மறந்து போனார்கள்
தாலி கட்டும் நேரத்தில்
மேடைக்கு அழைக்க

பண்டிகைக்காலம்

இருட்டு விலகுமுன்னே
எழுந்து கோலமிட்டு
ஈரம் போகாத தலையோடு
சமையல் செய்து
இடை இடையே
அடுத்த ஜென்மத்திற்காக
பூசை செய்யும்
கணவனின் குரலுக்கு
எடுபிடி வேலை செய்து
இடம் நின்று
அக்னி வலம் வந்து
வந்தாரை உபசரித்து
உணவளித்து
எச்சில் இலையில்
மிச்சம் தின்று
இலை எடுத்து
தரை துடைத்து
அலுப்பாய் தரை சாய்கையில்
அடுத்த வேலை(ளை)க்காய்
அழைப்பு வரும்
உண்ட களைப்பு
தொண்டருக்கும் உண்டாம்
பெண்களுக்கு??